Biografia del mbo'ehára Gustavo González

  KO'Ē Ko'ēju, Ko'ētī, Ko'ētīsoro, Ko'ēpara, Ko'ēsakã. Taha'éva ko'ēnte ¡iporãite! Jaguerovy'a ko'ēmi haguére Upéva he'ise arapyahuha Ha ñande rekove ndojehekyiha. Ñapu’ãvo iporã ñamboaguyje Ikatúre jahecha arapyahuete Ñamomba'eguasu ha jaguerohory Ojevy jeýre araporãite. Tañanderekove tovy'a añete Tomimbi kuarahy porãicha, Jepémo okañy pyhare pa'ūme Ojevy jeýne ambue ko'ēme Ohechauka hağua ko'ē porãite. Ko'ã mba’e jopói tuichavéva Jarekóva añete ñande rekovépe. Hi'ã maymaitéva taiko'ē porã Ikatumi hağua hekove oguata Tory ha vy'ápe ko'ēmi jave. Ñamyenyhē ñane korasō pajégui Ku mitãmi iñangaipa’ývaicha Ñamomba'évo ñandepytuhēha Ha jahechajey haguére ko'ē pyahu.                                 Ohai: Gustavo González                                     ...

  REYES MARANGATU Oğuahēma Reyes-kuéra Oğuahēma 6 de enero jahecha ha ñahendu mitãmimi isarakívo ohechaukávo iñirūmíme jopoimi Reyes- kuéra ogueruha ha maymavéva     oguerovy'a. Nga’u ra'e   ndohupytýiva tesay hováre ojehecha ñembyasypoguýpe opyta. Oīmakatu he'íva umi Reyes ndaiporiha ha oguerokañy teko yma. Iporã jaroviauka tojekuaa tembiasa. Ko'áğaramo ğuarã mba'eve noimo'ãvéima okañýgui chuguikuéra mborayhu ha jerovia. Hetajey umichagua okakuaa mba'eve'ýre   iñangaipágui ikorasō. Aníke jaheja ityai jeroviapy Ha upekuévo okañy mitã reko, ñandepype jagueraha ñande jarýi moingoepy omombe'úva Kirito reñoihague. Ndaipóri iporãvéva jahechávo mitãmi isaraki, ¡Upévare ikatúrō Jaroviauka ko'ã mba’e!. Ohai: Gustavo González 06/02/23