KARAPÉTO

KARAPÉTO

Yma heta aiko akorre ko Paraguay tuichakue jave, aha ahahápe agueraha chendive che rymbajagua koli, péva petei᷉ jagua rague raviju ikaru katéva, ha’e niko so’ombichýnte voi okaruse ha avei areko petei᷉ kavaju karapetón rye guachiko, karu vai petei᷉, upéva ári aha mombyry mombyry ha peteī ára aha Asunción gotyo, ha che rymbajagua ore rapykuéri. Ropopo’i rohóvo rog᷉uahe᷉ meve amo Asunción-pe.

Upépe areko che tio, kamba’i oje’e chupe, mba’éta ha’e olla revihūicha voi hūvera. Hesa ha ha᷉imante moroti᷉ ojekuaávo ha oreko petei᷉ ita’ýra jasyjaterera’ýicha morotīva, itúva ykére oīrõ ha’ete voi Olimpia camiseta mba’e, ijukyrasaniko hikuái.

Che tio oreko petei᷉ camioneta porã petei᷉ FORD F 1000 umi tractoricha imotor mbaretéva ha he’i chéve ndaipotáipa che mba’erã ndahepyiete ome’e᷉ta᷉ chéve. Ha chemoakãraku voi ha ajoguámakatu chugui.

Upéi he’i chéve che tio outaha chendive óga peve, ha’ete voi oguerúta chéve che mba’yru, mba’éta che niko apenami che rymbakavaju árinte aikokuaa. Ha upépe he’i chéve

–Ne rymbakavaju karapéto ndikatumo’a᷉i jaraha, ndaijamo’a᷉i carrocería.pe.

Ha’e che tiópe..

-Ani rejepy’apy, ha’e ñandeseguíta, ohóta ñande rapykuéri, péva niko kavaju de carrera hína. Tuicha opuka che tio ojerévo oma’e᷉ karapéto rehe ha ohecha iti᷉mbu hye avevo upépe hína.

Ha roju kyhyje vai, mbeguekatu roju, ha karapéto ore rapykuéri. Upémarõ ha’e tiópe.

– Pya’eve jaha tio péicha araka’eve nañag᷉uahe᷉mo’a᷉i ógape. Ha upépe oñepyrū roju pya’eve, ojopy sapatu, roju hese amo 100 km/h rupi ha rojesareko karapéto rehe ha oúnte hína ore rapykueriete, upéi rojuete hese 2 hora rire che tio imandu’ajey karapéto rehe 140 km/h roju hína ha upépe ojeroviáma hese ohechámaro᷉ oúnte hína ore rapykuéri. Che niko ha’e voi kuri chupe, péva ha’eha de carrera, upéi ojopyve acelerador ha rojuete hese, ojopy ome’e᷉ha peve, nachemandu’aporãi chérõ g᷉uarã ohypytylento 200km/h ha upépe ohecha che tio karapéto iku᷉se᷉ ha he’i chéve

- Nde… karapéto omanótama – mba’érepiko aporandu chupe ha ahecha ikūsēma. Ha aporandu chupe - moõ gotyo ohechauka iku᷉, ha ijasu gotyo ohechauka he’i chéve.

Ha ha’e chupe – ani rejepy’apy tio, upéva niko he’i ndéve ñanderasatahahina, ha ore rasami upépe ha ouete karapéto, 3 hora rire rog᷉uahē ógape ha rojuhu karapétope oñeno ha okaru hína, ra’e ha’e aje’íma og᷉uahe᷉ ógape. Ha upéicha arekova’ekue che rymbakavaju de karréra.

Ha namombe’upái niko pee᷉me che rymbajagua koli niko og᷉uahe᷉ rae᷉ve kuri ógape karapétogui, iñakua᷉itereivéntema ha’e, pévakatu ynambu ovevehápe jepe ohupyty. iñakuã che rymbajagua koli.

OHAI: Gustavo González