PITOGUE - GUARANÍME

PITOGUE 

Oikóje petei᷉ kuñakarai g᷉uaig᷉uimi opitameméva pety᷉

Ha opa vove pety᷉timbo osapukáimiva hata᷉pora᷉

ipehe᷉nguérape ha he’ími: PITO OGUE, PITO OGUE.

Rohótama che sy he’ímiva umi pyahukuéra,

Ha oñanimeme hikuái omohendypyahúvo ichupe

Ambue pety᷉timbo, y᷉ro᷉ katu ojeja’opyréma hikuái.

Upe ñehenói oiko ára ha ára heta ary péicha

Oiko kuñakarai ha sa’i sa’ípe omoaka᷉rasýma

ipehe᷉nguérape, avavénte ndikatúi isa᷉so ichugui

oho hag᷉ua ka’aguýre omymbajuka téra᷉ ambue

mba’era᷉.

petei᷉ ára umi pyahukuéra oje’ói mombyry kuñakarai oke

aja ohejareívo ichupe ha’eño.

Upéi opáy pe kuñakarai ha oñepyru᷉ ohenói ipehenguekuérape

Ha avavévante nombohováiri chupe.

Pochýpe oñeko’o᷉i pe kuñakarai ha he’i petei᷉ ára oujeytaha ipehe᷉nguekuérape,

Ha ndohejamo’a᷉i araka’eve chupekuéra.

Upéicha ohasa ary ha umi pyahukuéra oiko vy’ápe ka’aguy omymbajuka oho ohohápe.

Petei᷉ jey ka’aguyguasu mymbajukahápe ohendu hikuái petei᷉ ñe’e᷉ ojoguáva upe lecha᷉ime, tuicha oñemondýi ohendúro᷉ upe ayvu he’íva PITO-GUE, PITO-GUE.  Upeichahágui ohecha hikuái petei᷉ guyra omuñáva chupekuéra ha he’imeméva PITOGUE, PITOGUE, ombotavyraite umi karia’ýpe.

Ha upéicha oje’e upe g᷉uaig᷉uigui oiko hague ko guyra, hetajey omombe’úva oi᷉ha kuña hyeguasuñemíva, ha’e ndaje ymave oipytyvo᷉hague omomemby hag᷉ua heta kuñáme, upéva rehe oñehendúramo pitogue oñe’e᷉, oje’éma voi oi᷉ha hyeguasúva upe rupi.

OHAI GUARANÍME: Gustavo González