Huã Marangatu Ára

 

Huã Marangatu

Oğuahêma San Juan ára

jaikuaáke tembiasa

oñemombe'úva hekovégui

ha'e imarangatuha.

               I

Isymi héra Isabel

Maria ipehẽngue

ha Kirito iñemoñare

ombotuicháva ichupe.

               II

Mba'érepa iñemomorãme

tatápe ojechauka

Nipo ra'e heñói ypýpe isy

tatarendýpe omomarandu heñoihague.

                   III

Kuña omenda’y᷈va

oha'arõma oikuaa hağua

ikatútapa omenda

térã oha'arõta ambue arýpe.

               IV

Tuichaháiha oñemomorã

ñembosarái ha jekaru

yvyrasy᷈i ñembojarúpe

ha tatapy᷈i ári ojehasa.

             V

Yvyraro ha kurupa'y

tatarendy ojejapo

ndaha'éi peicharei

ojejapóva tatapy᷈i.

            VI

Oīma oguerúva

aipo pelota tata,

avei toro candil

hatīre tatarendy.

           VII

Ojehecháma katu ou

tapicha aty omongyhyjéva

Kamba ojeheróva

mitãnguérape omondýi.

             VIII

Jahecháma los Kamba

yvyrasy᷈ire oñeha'ã

ojoapére ojupi

ha jeyvérō ndikatúi.

            IX

Amo hu'ãme ojehecha

voko'i jopói ryru

upéva ra'ãvo lomitã

yvyrasy᷈ire osyryry.

            X

Heta ñembosarái

Oī páila jeheréi

Kambuchi jejoka

Ha carrera vosa.

            XI

Hetaháicha tapicha

Ovy’a ha osapukái,

Ha upéicha oñemomorã

¡San Juan ára Paraguay-pe!.

Ohai: Gustavo González