Ñe'ēpoty "Yvyra porãite"

 

Yvyra porãite

Ajépane iporãite

Ñandejára rembiapo

Ome'ēvo ñandéve teko,

Ha tembipuru hesegua.

 

Ipype jahecha yvyra porãite

Ome’ēva pytu, tekove raity

Hese’y᷉  añete ndajaikomo'ãi

Aníke upévagui ñanderesarái.

 

Anivéna che angirū

Jaitykarei yvyra,

Pévaniko opárō

Ndajarekomo'ãi pytuhē.

 

Ha hese ñaikotevē

Jaikove hağua arapýpe

Jeyvénte hese’y᷉

Ndajaikomo'ãi vy’apópe.

 

Ko'ã mba’e apopyre

Yvypóra rembiapo

Ombyaíva tekoha

Virumi jehupytýre.

 

Ndajahechakuaáiramo añete

Ñamombykýta tekove

Nañeñoty᷈irō yvyra

Ñamomarãta pytuhē.

 

Hi'ãningo maymáva

Ñañamindu'u ko'ã mba’ére

Jajepy'apývo oñondive

Ha ñamyatyrō jaikoha.

 

Ñañoty᷈kena yvyra

Oime tenda jaikohápe,

Ha ñaikuave'ē yvórape

Pytuhē porã ha ipotīva.

 

Yvyránteko ñane pohã

Jaikove hağua tesãime

Ñahetūmi jeývo yvyraty ryakuãnguemi

Ha ñanemokorasō piro'ýva.

 

Ko ára guive

Jajepy'apy ojuehe,

Jarahávo tembiapo

Yvyra ra'y ñañoty᷈vo.

 

¡Jaikuaáke joyke'ykuéra!

Yvy jaikohaniko jopóinte,

Ndaha'éi ñane mba’e

Opytava'erã ijapyra’y᷉me.

 

Ohai: Gustavo González

19/06/24